यस वर्ष पनि टीकापुर महाेत्सव हुने

टीकापुर २५ मंसिर
टीकापुर उद्योग वाणिज्य संघले सुदूरपश्चिम औद्योगिक व्यापार मेला तथा टीकापुर महोत्सव २०८० आयोजना गर्ने भएको छ ।
आउँदो पुसको २६ गतेदेखि माघ ७ गतेसम्म महोत्सव सञ्चालन हुने सोमबार टीकापुरमा पत्रकार सम्मेलन गरी संघले जानकारी गराएको हो ।
उद्योग वाणिज्य संघ टीकापुरको अध्यक्ष चक्रपाणी सापकोटाको संयोजकत्वमा रामबहादुर भण्डारी मुल आयोजक समितिको व्यवस्थापक सहित ७ सदस्यीय समिति गठन गरिएको संघका अध्यक्ष सापकोटाले बताएका छन् ।
यसैगरी महोत्सवको लागि अन्य विभिन्न समितिहरु गठन गर्न बाँकी रहेको जनाएको छ ।
विगतका बर्षहरु झै यो बर्ष पनि टीकापुरमा महोत्सव लाई आर्थिक समृद्धि, पर्यटन, विकाससँग जोड्ने मुख्य उद्देश्य सहित आयोजना गर्ने उनले बताएका छन् ।
टीकापुर महोत्सव विगतका बर्ष भन्दा अझ भव्यका साथ सफल पार्न सबैलाई आ–आफ्नो ठाउँबाट सहयोग गर्न आयोजकले आग्रह समेत गरेको छ ।
महोत्सवस्थलभित्र यसवर्ष पनि थारु गाउँ समेत निर्माण गरिने भएको छ ।
थारु गाउँ भित्र थारु भेषभुषा, कला संस्कृति, खानपान लगायतको प्रर्दशनी गरिने जनाएको छ ।
यसका साथै महोत्सवमा स्थानीय र राष्ट्रियस्तरका कलाकारहरूको प्रस्तुति समेत रहनेछ । यसका साथै महोत्सवका कृषि, विज्ञान प्रर्दशनी समेत हुनेछ ।